അദ്ദിക്ർ

ഇത്തരം സൂക്തങ്ങളെല്ലാം വായിക്കുന്ന കാഫിറുകളും അക്രമികളും ഭ്രാന്തന്മാരുമായ ഫുജ്ജാറുകള്‍ നാവുകൊണ്ട് അല്ലാഹ്, അല്ലാഹ് എന്ന് പറയുന്നവരാണെങ്കിലും 8: 48 ല്‍ വിവരിച്ച പ്രകാരം ഹൃദയത്തില്‍ പിശാചിനെയാണ് കുടിയിരിത്തിയിട്ടുള്ളത്. 7: 37 പ്രകാരം അവരില്‍ ഏതൊരാളുടെയും മരണസമയത്ത് അവരുടെ ആത്മാവിനെതിരെ നിശ്ചയം അവര്‍ കാഫിറുകള്‍ തന്നെയായിരുന്നു എന്ന് സാക്ഷ്യം വഹിക്കുന്നതാണ്. പിശാചിന്‍റെ സംഘത്തില്‍ പെട്ട ഇക്കൂട്ടര്‍ ആകാശത്തിന്‍റെ വാതിലുകള്‍ തുറന്ന് സ്വര്‍ഗത്തിലേക്ക് തിരിച്ചുപോകാനുള്ള ടിക്കറ്റായ അദ്ദിക്ര്‍ മൂടിവെച്ചതിനാല്‍ അവരുടെ മടക്കം നരകക്കുണ്ഠത്തിലേക്കാണെന്ന് 2: 39; 5: 86; 9: 67-68; 15: 44; 18: 101; 48: 6; 98: 6 തുടങ്ങിയ സൂക്തങ്ങളിലെല്ലാം പറഞ്ഞിട്ടുണ്ട്. 13: 14; 22: 73; 23: 117 വിശദീകരണം നോക്കുക.